فنانة موالية تهاجم مؤيدي الأسد

فنانة موالية تهاجم مؤيدي الأسد
تولين البكري

شنت الفنانة السورية الموالية "تولين البكري" حملة على مؤيدي الأسد الذين وصفوا الناس بالقطيع بسبب خروجهم من منازلهم في ظل أزمة كورونا.

 

جاء ذلك في منشور لها على حسابها في فيسبوك قالت فيه: "كلمتين والي بدو يزعل يزعل، هي الناس نازلة طج بوستات عن القطيع يلي فلت بالشارع اليوم بحب قلكم خليكم بمدينتكم الفاضلة واتركوا الناس بهمها".

 

وأضافت في منشورها، "هي الناس صرلها شهر محجورة بالبيوت بدون شغل وبدون ماحدا يقلها شو لازمك" في انتقاد واضح لسياسة نظام الأسد بإهمال المدنيين في مناطقه.

 

وتابعت، "ما نزل هالقطيع ليتسيرن ولا نزل وخاطر بصحته لأنه جاهل، لما كيلو اللحمة سعره 12 ألف وكيلو الدجاج 2500 والزيت والسكر والسمنة لا تسأل ليش نزل هالقطيع حق ربطة الخبز 50 ليرة، حلو عن كتف هالناس وارحموها شوي".

 

وأوضحت، "القطيع نزل لأنه مجبور وسمان حارتهم صار بدو يجمع ملايين من الحجر نزل ليشتري طبخة من سوق الهال أرخص بمية ليرة ليوفرها لولاده أو نزل يدور عرزقه".

 

وختمت، "لكل حدا بيوصف هالناس بالقطيع بحب قلك كلمتين هالقطيع أهلك وناسك وأولاد بلدك الي بلاهم ما بتسوى حق الكهربا الي صرفتها عالنت لتتفزلك بمنشورك"